नेपाल प्रहरी अपराध अनुसन्धान विद्यालय, महाराजगञ्जमा सञ्चालन भईरहेको “अपराध अनुसन्धान तालिम (सि.प्र.अ.) तालिम” ९५ औँ समूहको मिति २०८०।०९।१६ गते नेपाल प्रहरीका संगठन प्रमुख प्रहरी महानिरीक्षक बसन्त बहादुर कुवँरको प्रमूख आतिथ्यतामा अन्तरक्रिया कार्यक्रम सम्पन्न भयो । उक्त कार्यक्रममा राष्ट्रिय प्रहरी प्रतिष्ठानका कार्यकारी निर्देशक प्रहरी अतिरिक्त महानिरीक्षक सन्दिप भण्डारी, निर्देशक प्रहरी नायव महानिरीक्षक श्री रविन्द्र के.सी., नेपाल प्रहरी अपराध अनुसन्धान विद्यालयका प्रधानाचार्य प्रहरी वरिष्ठ उपरीक्षक दिपेन्द्र जि.सी. लगायत अन्य सिनियर तथा जुनियर प्रहरी अधिकृतहरूको उपस्थिति रहेको थियो । अपराध अनुसन्धान तालिममा प्रशिक्षणरत प्रहरी अधिकृतहरूबाट प्रस्तुत भएका अपराध अनुसन्धानसँग सम्बन्धित लगायतका समसामयिक विषयका जिज्ञासाहरूको प्रमुख अतिथिबाट सम्बोधन भएको थियो ।