प्रिय उज्यालो
प्रणय दिवसको पुवृ सन्ध्यामा
अनुभूत गर्नू प्रेमलाई
र छुनु आत्माको गहिराईबाट
समयले कोरेका परिधिभित्रबाट
बोलाउनु मलाई आभासका मैदानहरूमा
र चुम्नु आखाले मेरो अधर ।
अलिकती सुस्ताउनु
सम्झनाका तरेलीहरूमा
म आउनेछु हावासँग बयली खेल्दै
स्पर्श गर्नु मेरो सुगन्ध अनि
समाहित गर्नु तिमी मलाई
तिमीले फेर्ने हरेक स्वासहरूमा
प्रेमको अनन्त यात्राभरि
ओझेल पर्न नदिनु कतै घुम्ति र मोडहरूमा
बाधेर राख्नु मलाई स्मृतिको अुगालोमा
र सुनाउनु ह्रदयको स्पन्दन हर पल
अमर बनाउँदै हाम्रा प्रेम कविताका हरफहरूमा ।
सुमन वर्षा
काठमाडौँ, नेपाल