धनकुटा । नेकपा एमालेका अध्यक्ष केपी शर्मा ओलीले धनकुटाको हिले पार्क उद्घाटन गर्नुभएको छ ।
ओलीले धनकुटा नगरपालिका वडा नम्बर १ सिरान बजारमा बनेको हिले पार्कको बिहीबार उद्घाटन गर्नुभएको हो । एमालेको झुलाघाट–चिवाभञ्ज्याङ समृद्धिका लागि संकल्प यात्राको क्रममा हिले पुग्नुभएका ओलीले सो पार्क उद्घाटन गर्नुभएको हो ।
सो पार्कको लागत ६५ लाख रुपैँको लागतमा बनेको हो ।
मध्यपहाडको आर्थिक, सामाजिक, सांस्कृतिक, धार्मिक अवस्था तथा उद्योग, पर्यटन लगायतको सम्भावना बुझ्न एमाले अध्यक्ष ओलीको नेतृत्वमा वरिष्ठ उपाध्यक्ष ईश्वर पोखरेल, उपाध्यक्षहरू महासचिव शंकर पोखरेल, उपमहासचिवहरू, सचिवहरू, स्थायी कमिटी, पोलिटब्युरो, केन्द्रीय कमिटी सदस्यहरू, प्रदेश कमिटी लगायतका नेताहरू, प्राविधिक, विज्ञ सम्मिलित टोली सहित समृद्धिको लागि संकल्प यात्रामा हुनुहुन्छ । बैतडीको झुलाघाटबाट मङ्सिर १४ गतेदेखि सुरु भएको यात्रा पुस १ गते पाँचथरको चिवाभञ्ज्याङ पुग्ने कार्यक्रम रहेको छ ।