काठमाडाैं । नेपाली कांग्रेसको महासमिति बैठक सरेको छ ।
शुक्रबार बसेको कांग्रेस केन्द्रीय कार्यसम्पादन समितिको बैठकले महासमिति बैठक फागुन ७ देखि १० सम्म गर्ने निर्णय गरेको हो । यसअघि कांग्रेसले पुस १६ देखि १९ गतेका महासमिति बैठक बस्ने तय गरेकाे थियाे । योसँगै कांग्रेसले महासमिति बैठक तेस्रो पटक सारेको छ ।
बैठकले राष्ट्रिय सभा सदस्य चुनावका लागि दल दर्ता गर्ने र त्यसकाे जिम्मेवारी मुख्यसचिव कृष्णप्रसाद पौडेललाई दिने निर्णय गरेकाे छ । राष्ट्रिय सभाका उम्मेवार टुंग्याउँदा सभापतिले मात्र हस्ताक्षर गर्ने निर्णय पनि बैठकले गरेकाे छ ।