काठमाडौं । नेपाली कांग्रेस राष्ट्रिय सभा संसदीय दलको नेतामा कृष्णप्रसाद सिटौला चयन हुनुभएकाे छ ।
कांग्रेस सभापति तथा संसदीय दलका नेता शेरबहादुर देउवाले शनिबार सिटाैलालाई राष्ट्रिय सभा संसदीय दलको नेता नियुक्त गर्नुभएकाे हाे ।
उहाँले कांग्रेस संसदीय दलको विधान (संशोधन तथा परिमार्जन सहित २०७४) को धारा १२ को उपधारा १ बमोजिम सिटौलालाई दलको नेता मनोनयन गर्नुभएकाे देउवाकाे सचिवालयले जनाएकाे छ । माघ ११ गते भएको राष्ट्रिय सभा सदस्य चुनावमा सिटौला कोशी प्रदेशको अन्य तर्फबाट निर्वाचित हुनुभएकाे थियाे ।
यसअघि कांग्रेस राष्ट्रिय सभा संसदीय दलको नेता रहनुभएका रमेशजंग रायमाझी ६ वर्ष कार्यकाल सकिएर बिदा हुनुभएकाे थियाे । त्यसपछि रिक्त रहेकाे पदमा देउवाले सिटाैलालाई मनाेनयन गर्नुभएकाे हाे ।