चीनियासँग फाेनमा कुरा गरेकाे हुँ ,तस्करीमा सहयाेग गरेकाे छैन’:कृष्णबहादुर महरा

अनुसन्धान अधिकृतहरुसँग नेकपा (माओवादी केन्द्र) का उपाध्यक्ष समेत रहेका महराले चिनियाँ सुन तस्कर वाङसँग चिनजान रहेको स्वीकारेका छन् । अनुसन्धानमा संलग्न एक सरकारी वकिलका अनुसार महरा बयान गरिरहँदा निकै भावुक देखिएका थिए । उनले साेधेका सवै प्रश्नकाे जवाफ दिएका थिए ।

‘दाओजिन वाङसँग चिनजान हो, कारोबार गरेको छैन ।’ आफू राजनीति गर्ने हुनाले दिनमा धेरै जनाको फोन आउछ र कुरा हुने गरेको हुँ महराले भने ‘दिनहुँ धेरै फोन आउँछ कुरा हुन्छ तर, अहिले विस्तृत कुरा मलाई थाहै हुँदैन ।’

सुनको अवैध पैठारी (तस्करी) नियन्त्रणसम्बन्धी जाँचबुझ आयोगले प्रतिवेदन बुझाएपछि चैत ५ मा उनी पक्राउ परेका हुन् । महराका छोरा राहुल सो मुद्दामा अहिले पनि थुनामा छन् ।

चिनियाँ नागरिक वाङ सुन ल्याउने समूहका सदस्य हुन् । सुन छुटाउन चिनियाँ तस्कर दाओजिन वाङले पूर्व सभामुख कृष्णबहादुर महरा र उनकाे छाेराकाे सहयाेग लिएकाे सिआइबीकाे अनुसन्धानमा देखिएकाे थियाे ।

भेपमा सुन ल्याउने समूहका आसिन पेङ र दाओजिन वाङ ६० किलो सुन तस्करीमा पनि संलग्न देखिएका थिए । । सुन ल्याउने समूहका आसिन, दाओजिन वाङ र लि हासोङ्ग तिनैजना फरार छन् । महराका छाेरा राहुल यसअघि नै प्रतिवादी हुदै थुनामा रहेका छन् ।