वरिष्ठ लोक गायक तथा अभिनेता जयनन्द लामाको निधन भएको छ । उनको भक्तपुरस्थित कौशलटारमा मंगलवार राति निधन भएको हो ।
सिन्धुपाल्चोकको बाह्रविसे नगरपालिका–२ धार्पाका लामाले दर्जनौं लोकप्रिय लोकगीत संकलन गेरका छन् तथा गाएका छन् । उनको स्वरमा कलकते काइँयो‚ चुइँचुइँ चुइँकिने जुत्ता, चोयाको डोको लगायतका लोकप्रिय गीत रहेका छन् । उनले शास्त्रिय संगीतमा स्नातक तथा इलाहावादबाट स्नातकोत्तर गरेका थिए । उनले दर्जनौं नेपाली चलचित्रमा अभिनय गरेका छन् । ७० वर्षीय स्वर्गीय लामाका दुई छोरा र श्रीमती छन् ।