नक्कली भुटानी शरणार्थी प्रकरणमा जिल्ला अदालत काठमाडौंमा ६ जना प्रतिवादीको बहस सकिएको छ।
प्रतिवादीहरु केशव दुलाल, सानु भण्डारी, टंक गुरूङ, सन्देश शर्मा, सागर राई र इन्द्रजित राईको पनि थुनछेक बहस सकिएको हो।
भोलि पनि बाँकी प्रतिवादीको तर्फबाट बहस हुनेछ।
इन्द्रजित राईका तर्फबाट बालकृष्ण ढकाल, प्रेमबहादुर खत्री, दिलकुमारी राई र कुमार अधिकारीले बहस गरे
सानु र टंकका तर्फबाट बिहीबार वरिष्ठ अधिवक्ता रमण श्रेष्ठले बहस गरेका थिए।
सागर राईका तर्फबाट अधिवक्ताहरू प्रकाश पौडेल, विनोद कार्की, सन्तोष प्रसाद भट्ट र इन्द्र पोखरेलले बहस गरेका थिए। सन्देश शर्माको प्रतिरक्षा भने अधिवक्ताहरू यज्ञ खतिवडा, गोपालराज अर्याल, दिपकराज रेग्मी, सुशीला कार्की र मंगल महर्जनले बहस गरेका थिए।
सबैले आफ्ना पक्षहरूलाई लगाइएको अभियोग पुष्टि हुने आधार र प्रमाण नभएकाले थुनाबाहिरै राखेर मुद्दाको पुर्पक्ष गराउन माग गरेका छन्।