काठमाडौं : प्रहरीले नक्कली भुटानी शरणार्थी बनाई अमेरिका पठाउने लोभ देखाएर ठगेको आरोप लागेकामध्ये थप २ बिचौलियालाई मंगलबार काठमाडौंबाट पक्राउ गरेको छ।
काठमाडौंको टोखा बस्ने रामशरण केसी र मोरङ घर भएका गोविन्द चौधरीलाई मंगलबार पक्राउ गरिएको काठमाडौं उपत्यका अपराध अनुसन्धान कार्यालयका प्रहरी प्रवक्तासमेत रहेका प्रहरी उपरीक्षक रवीन्द्र रेग्मीले जानकारी दिए।
उनका अनुसार उनीहरूले उक्त घटनामा बिचौलियाका रूपमा काम गरेको पाइएपछि पक्राउ गरिएको हो। उनीहरूलाई बानेश्वर क्षेत्रबाट पक्राउ गरिएको बताइएको छ।
यसअघि पक्राउ परेकामा तत्कालीन गृहमन्त्री रामबहादुर थापाका सुरक्षा सल्लाहकार इन्द्रजित राईसहित बहालवाला सचिव (तत्कालीन गृह सचिव) टेकनारायण पाण्डे, सन्दीप रायमाझी, केशव दुलाल, सानु भण्डारी‚ टङ्क गुरुङ, सन्देश शर्मा पोखरेल र सागर थुलुङ छन्।
पक्राउ पुर्जी जारी भएका नेकपा एमालेका सचिव तथा पूर्वमन्त्री टोपबहादुर रायमाझी अहिले सम्पर्कमा नभएकाले खोजी जारी रहेको प्रहरीले जनाएको छ।
जिल्ला प्रहरी परिसरले उनीहरूविरुद्ध सङ्गठित अपराधमा अनुसन्धान गरिरहेको छ। यसको अनुसन्धानका लागि प्रहरीले ६० दिन समय पाउँछ।
उक्त घटनामा हालसम्म १०६ जना पीडितले २० वटा जाहेरी दिएका छन्। उनीहरूले कूल २३ करोड २५ लाख रूपैयाँ ठगी भएको भनी जाहेरी दिएका छन्।
पक्राउ परेका दुवै जनालाई आजै थप अनुसन्धान तथा कारबाहीका लागि जिल्ला प्रहरी परिसर काठमाडौंमा बुझाइसकेको पनि एसपी रेग्मीले जानकारी दिए।
Trending Now
- India laid foundation stone and inauguration of High Impact Community Development Projects in Darchula, Nepal
- निर्देशक तुलसी घिमिरे ‘पहाड’ फिल्मबाट कमब्याक गर्दै
- भारतमा शुक्रबारदेखि लोकसभाको पहिलो चरणको चुनाव सुरु
- शिक्षण संस्थामा गरिएको शुल्क वृद्धि खारेज गर्न अखिल क्रान्तिकारीको माग
- प्रज्ञा पुस्तक प्रदर्शनी प्रारम्भ
- प्रज्ञा-प्रतिष्ठानको दुईदिने रैथाने ज्ञानउत्सव भरतपुर चितवनमा हुँदै !
- काठमाडौँ महानगरभित्र विद्यार्थी भर्ना शुल्क एक महिनाको भन्दा बढी लिन नपाइने
- भावना खनालको ‘भाव सङ्गम’ सार्वजनिक
- पत्रकार अखण्ड भण्डारीको उपन्यास ‘बोरा’ लोकार्पण
- नेकपा एमाले पार्टीको राष्ट्रिय महाधिवेशन प्रतिनिधि परिषद्को बैठकमा सहभागी भइदिन कांग्रेस सभापति शेरबहादुर देउवालाई निम्ता
Comments are closed.