काठमाडौँ । मिटरब्याज पीडित र सरकारी टोलीबीच शान्ति वाटिकामा वार्ता सुरु भएको छ ।
वार्तामा मिटर ब्यज पीडितले फर्जी तमसुक खारेज गर्नुपर्ने, मिटरब्याज पीडितविरुद्ध विभिन्न अदालतमा रहेका मुद्दा खारेज गर्नुपर्ने लगायत ६ बुँदे माग राखेका छन् । उक्त मागकै विषयमा वार्तामा छलफल भएरहेको छ ।
गृह मन्त्रालयका सहसचिव प्रदीपकुमार कोइरालाको संयोजकत्वमा ५ सदस्यीय वार्ता टोलीले अहिले पीडितसँग वार्ता गरेको हो ।
यसअघि १२ दिन पैदल यात्रा गरी खुलामञ्चमा आइपुगेको पीडितको समूहसँग १८ चैतमा सरकारले पाँच बुँदे सहमति गरेको थियो । तर, उक्त उधारो सहमतिले समस्याको समाधान नहुने भन्दै अर्को समूहले २० चैतबाट आन्दोलन सुरु गरेको थियो ।