काठमाडौंँ । वरिष्ठ निर्माता/निर्देशक तथा गीतकार यादव खरेललाई ‘दिर्ध साघना सम्मान २०८०’ बाट सम्मानित गरिने भएको छ । चलचित्र निर्देशक समाजले आफ्नो १६ औं बार्षिक उत्सवको अवसर पारेर यहि फागुन २७ गते आयोजना गर्न लागेको एक कार्यक्रममा खरेललाई यो सम्मान दिइने भएको हो ।
नेपाली चलचित्र क्षेत्रमा खरेलले पुर्याएको योगदानको कदर गर्दै समाजले यो सम्मान दिने निर्णय गरेको चलचित्र निर्देशक समाजका अध्यक्ष जनदीप पराजुलीले बताए । कार्यक्रम चलचित्र विकास बोर्डमा आयोजना हुनेछ । कार्यक्रममा समाजले ‘श्रष्ठा सर्जक सम्मान २०८०’ बाट ५ वरिष्ठ चलचित्रकर्मीलाई पनि सम्मान गर्दैछ । जसको नाम अहिले गोप्य राखिएको छ ।
सोही कार्यक्रममा ‘निर्देशक अफ द इयर २०७९’ समेत घोषणा हुनेछ । यसै वर्षबाट समाजले यो घोषणा गर्न लागेको हो । कार्यक्रममा समाजले प्रकाशन गरेको ‘एक्सन कट्’ नामक पुस्तक बिमोचन तथा चलचित्रको प्रदर्शन समेत राखिएको आयोजक पराजुलीले जानकारी दिए । कार्यक्रममा चलचित्र क्षेत्रका थुप्रै हस्तीहरुको सहभागिता रहनेछ ।