विविधगृहपृष्ठ विविध कतारमा पल शाह र अस्मिता अधिकारीको शो थपियो कतारमा पल शाह र अस्मिता अधिकारीको शो थपियो

वाटर गेट लाउन्ज एन्ड क्लबले बकर इदको अवसरमा आयोजना गरेको इद धमाका बम्पररूपमा सफल भएसँगै धमाकाको शो थपिएको छ । रियल हिरो उपनामले परिचित चर्चित नायक तथा मोडल पल शाह र भर्षटायल गायिका अस्मिता अधिकारीले प्रस्तुति दिएको उक्त कार्यक्रममा दर्शकको भिड आयोजकले थेग्न नसकेपछि आज शुक्रबारका लागि एक शो थप गरिएको हो ।

ईदको सार्वजनिक बिदाको अवसर पारेर आयोजित धमाकाको पहिलो दिन दर्शकको उच्च सहभागिता हुँदा आयोजकलाई भिड थेग्न निकै धौ धौ पर्‍यो । “हामीले दर्शकको चाहना पहिलो दिन मेटाउन सकेनौं यस कारण शुक्रबारको शो थपिएको हो,” क्लब सञ्चालक उत्तम गुरुङले  भने ।

उनले बिहीबार दर्शकहरूमा परेको असहजतालाई महसुस गर्दै आज शुक्रबार प्रवेश शुल्कसमेत समायोजन गर्दै पुरुषहरूका लागि कतारी रियाल पचास र महिलालाई निःशुल्क प्रवेशको व्यवस्था मिलाइएको बताए ।

कतारको लुसेलमा अवस्थित वाटर फन्ट होटेलको तेस्रो तलामा आज शुक्रबार साँझ ६ बजेबाट शो शुरु हुने कार्यक्रम संयोजक रोशन अर्यालले जानकारी दिए । प्रवेश शुल्क बुझाएर काउन्टरबाट प्रवेश पास लिने व्यवस्था मिलाइएको अर्यालले बताए ।