काठमाडौँ । नेपालले एसिसी इमर्जिङ टिम्स एसिया कपमा आज युएई ए विरुद्ध खेल्दैछ । नेपालले अन्तिम खेल आज र युएई ए’सँग प्रतिस्पर्धा गर्न लागेको हो ।
खेल पिसारा ओभल खेल मैदान, कोलोम्बोमा नेपाली समय अनुसार बिहान १०ः१५ बजेबाट सुरु हुनेछ । समूह बी मा रहेका नेपाल र युएई ए दुवै समूह चरणबाट बाहिरी सकेका छन् ।
नेपाल आफ्नो पहिलो खेलमा पाकिस्तान ए सँग ४ विकेट तथा दोस्रो खेलमा भारत ए सँग ९ विकेटले पराजित भएको थियो भने युएई पनि भारत र पाकिस्तानसँग पराजित भएको थियो ।
आजै समूह बि अन्तर्गत भारत ए र पाकिस्तान ए बिच अपराह्न २ बजेदेखि खेल हुने छ । दुवै देश समूह बि बाट सेमिफाइनलमा पुगिसकेका छन् भने यस खेलबाट समूह विजेताको टुङ्गो लाग्ने छ । समूह ए बाट भने आयोजक श्रीलंका ए र बंगलादेश ए सेमिफाइनलमा पुगिसकेका छन् ।