सेनाको टोलीले पृथ्वी जयन्तीका लागि गोरखाबाट पदयात्रा थाल्ने

पदयात्रामा सहभागी फौजले नेपालको राष्ट्रिय झन्डा, नेपाली सेनाका आरम्भकालीन पाँच कम्पनी (श्रीनाथ, पुरानो गोरख, काली बक्स, बर्द वाणी–हाल बर्दबहादुर तथा सबुज) को झन्डा तथा दिपज्योती सहित ऐतिहासिक सैनिक पोसाक र परम्परागत बाजागाजासहित यात्रा गर्नेछन् । पृथ्वी जयन्तीकै अवसरमा पुस २७ गते नै जङ्गी अड्डामा शाहको दिव्योपदेश सम्बन्धी प्रवचन, लघु नाटक प्रदर्शन, कविता प्रतियोगिता आयोजना गरिएको नेपाली सेनाले जनाएको छ । यस्तै, देशभर र विदेशमा तैनाथ नेपाली सेनाका विभिन्न इकाईहरूमा पनि विविध कार्यक्रमहरूको आयोजना गरी पृथ्वी जयन्ती तथा राष्ट्रिय एकता दिवस मनाइने जङ्गी अड्डाले जनाएको छ ।