काठमाडौं । अनलाइन जुवा तथा क्यासिनो गेममार्फत नेपालमा प्रतिबन्धित सट्टेबाजी कार्यमा संलग्न भएको आरोपमा चार जना पक्राउ परेका छन् । पक्राउ पर्नेमा राजा चौधरी, विवेक चौधरी, रितेन्द्र प्रधान र आशा गुरूङ रहेका छन् । रितेन्द्र र आशा गुरुङ श्रीमान् श्रीमती हुन् ।
कलंकी, ठमेल र बालाजु क्षेत्रबाट उनीहरूलाई पक्राउ गरिएको काठमाडौं उपत्यका अपराध अनुसन्धान कार्यालयले जनाएको छ ।
प्रारम्भिक अनुसन्धानका क्रममा पक्राउ परेका व्यक्तिहरूले मारिया स्विप (Maria Sweep), मारिया शन (Maria Shawn) नामको फेसबुक अकाउन्ट ‘2 Accounts’ नामकाे एप्लिकेसनमार्फत पान्डा मास्टर, अल्ट्रा माेन्स्टर, भीपावर, फायर किरेन, ओरियन स्टार्स, ट्विलाइट, जुवा, द भल्ट, मिल्की वे जस्ता अनलाइन जुवा प्लेटफर्म प्रयोग गरी क्यासिनो गेमहरूमा रकम सट्टेबाजी गराउने गरेको पाइएको उपत्यका अपराध अनुसन्धान कार्यालयका प्रवक्ता प्रहरी उपरीक्षक रविन्द्र रेग्मीले जानकारी दिए ।