नेपाल स्रष्टा समाजको अध्यक्षमा श्रीओम श्रेष्ठ रोदन निर्वाचित तथा नयाँ कार्य समिति गठन

नेपाल प्रज्ञाप्रतिष्ठानमा सम्पन्न भएको नेपाल स्रस्टा समाजको साधारण सभाले श्रीओम श्रेष्ठ रोदनको अध्यक्षतामा नयाँ कार्यसमिति निर्वाचित गरेको छ । जसअनुसार उपाध्यक्षमा चेतनाथ कणेल हरित, महासचिवमा देविका तिमिल्सिना, कोषाध्यक्षमा तारा सुवेदी र सचिवमा प्रकाश घायललाई चयन गर्यो।

सदस्यहरूमा शङ्कर भारती, डा. सदानन्द कणेल, रञ्जना निरौला,डा. शान्तिमाया गिरी, मधु पाठक,  र माधव बिडारी  निर्वाचित भए।

निर्वाचनका लागि साधारण सभाले पवन आलोक, हिरण्यकुमारी पाठक र डा गोविन्दमानसिंह कार्की रहेको निर्वाचन आयोग गठन गरेको थियो।

साधारण सभाको सञ्चालन विनोद नेपालले गरेका थिए भने जानू धिताल र नवराज अवदोषीले समाजले गत कार्यकालमा गरेका कार्यक्रम र आयव्ययको जानकारी गराएका थिए।