चिनिया कम्युनिष्ट पार्टीका विदेश विभाग प्रमुखसँग माओवादी प्रतिनिधि मण्डलको भेट

चीन भ्रमणमा रहेको निवर्तमान सभामुख सापकोटा नेतृत्वको माओवादी पार्टीको प्रतिनिधि मण्डल र चिनियाँ कम्युनिष्ट पार्टी विदेश विभाग प्रमुख लिउ नेतृत्वको टोलीबीच बिहीबार बेइजिङमा भेटवार्ता भएको हो।

उनीहरुबीच सुरुमा एक्लाएक्लै र त्यसपछि सामूहिक भेटवार्ता भएको  सीपीसीले जनाएको छ। जनाएका छन्। उनीहरुबिच दुई देश र दुई पार्टीको सम्बन्धका विषयमा छलफल भएको थियो।

भेटमा चिनियाँ विदेश विभाग प्रमुख लिउले प्रचण्ड नेतृत्वको वर्तमान सरकारले लिएको आर्थिक विकास र समृद्धिको लक्ष्यमा चीनले निरन्तर सहयोग गर्ने प्रतिवद्धता जनाएको छ।

उपाध्यक्ष सापकोटाले चीन नेपालको छिमेकी मात्र नभएर विकास साझेदार समेत भएको चर्चा गर्दै नेपालको आर्थिक सामाजिक विकासमा पुर्याएको सहयोगका लागि चीनलाई धन्यवाद दिएका थिए।

२० सदस्यीय सापकोटा नेतृत्वको पार्टी प्रतिनिधि मण्डल यही जेठ ५ गते चीन प्रस्थान गरेको थियो। सुरुमा ल्हासा र मानसरोबरको भ्रमण एवं अवलोकन गरेको सापकोटा नेतृत्वको टोली अहिले राजधानी बेइजिङमा छ। भ्रमण सम्पन्न गरी प्रतिनिधि मण्डल १८ जेठमा स्वदेश फर्कने कार्यक्रम रहेको छ।

भ्रमण टोलीमा पूर्व सभामुख सापकोटा र ओनसरी घर्तीसहित पार्टी सचिवहरु हितमान शाक्य, गणेश शाह र डिलाराम आचार्य छन्।