काठमाडौं । तनहुँको आँबुखैरेनी स्थित ऐना पहराबाट मर्स्याङ्दी नदीमा एउटा यात्रुवाहक बस खसेको छ ।
जिल्ला प्रशासन कार्यालय तनहुँका प्रमुख जिल्ला अधिकारी जनार्दन गौतमका अनुसार पोखराबाट काठमाडौँतर्फ आउँदै गरेको बस खसेको हो । शुक्रबार बिहान करिब ११ः३० बजे आँबुखैरेनी गाउँपालिका–२ ऐनापहरास्थित सडकबाट बस मर्स्याङ्दी नदीमा खसेको हो ।
बसमा भारतीय पर्यटक रहेको बताइएको छ । बसमा कति यात्रु थिए भन्ने खुल्न सकेको छैन । सो बसमा करिब ४० यात्रु रहेको अनुमान गरिएको छ । घटनास्थलमा नेपा प्रहरी र सशस्त्र प्रहरीको टोली पुगेको छ ।