काठमाडौं । त्रिभुवन आर्मी क्लब बुटवलमा आयोजित मदन भण्डारी गोल्डकप इन्डो–नेपाल रनिङ शिल्ड पुरुष भलिबल च्याम्पियनसिपको उपाधि जितेको छ ।
आर्मीले बिहीबार भएको फाइनल खेलमा अर्को विभागीय टोली नेपाल पुलिस क्लबलाई ३–२ को सेटमा पराजित गर्दै उपाधि जित्न सफल भयो । पहिलो सेट गुमाएको आर्मीले पुलिसलाई १८–२५, २५–१८, २०–२५, २५–२२ र १५–७ ले हरायो।
प्रतियोगितामा मणिमुकुन्द भलिबल क्लब तेस्रो भयो। भारतको गुराजत भलिबल एसोसिएसन नखेलेपछि मणिमुकुन्दलाई तेस्रो घोषित गरिएको थियो । आर्मीले ७ लाख, पुलिसले ३ लाख ५० हजार र मणिमुकुन्दले एक लाख ७५ हजार रुपियाँ प्राप्त गरे।