बारा, ४ भदौ
जितपुरसिमरा उपमहानगरपालिका-७ जितपुर चोकबाट करिब ९ सय लिटर अवैध घरेलु मदिरा सहित सोही उपमहानगरपालिका-२२ बस्ने ३४ वर्षीय होम प्रसाद भेटवाललाई शुक्रबार राति प्रहरीले पक्राउ गरेको छ ।
ईलाका प्रहरी कार्यालय जितपुर बाराबाट खटिएको प्रहरीले सिमराबाट जितपुरतर्फ आउँदै गरेको ना.५ च ३५८६ नम्बरको म्याजिक गाडीलाई जाँच गर्दा गाडीभित्र प्लाष्टिकमा प्याक गरी बोराभित्र लुकाई छिपाई राखेको अवस्थामा उक्त मदिरा फेला पारी गाडीका चालक भेटवाललाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।