विर्तामाेड, झापा। हास्यव्यङ्ग्य निबन्धकार डम्बरबहादुर बस्नेतको कृति -“भताभुङ्गे चाला”को लोकार्पण कार्यक्रम सम्पन्न भएकाे छ ।
विमाेचन कार्यक्रम प्रलेस, झापाले कोहेड कलेज विर्तामोडमा आयोजना गरेको थियाे । कार्यक्रम प्रलेस अध्यक्ष लीलाप्रसाद अधिकारीको अध्यक्ष्यतामा, वरिष्ठ अधिवक्ता एवम् साहित्यकार लीला उदासीको प्रमुख आतिथ्यमा सम्पन्न भएकाे हाे ।
होम सुवेदी, तारा विविध, राजेन्द्र सङ्ग्रौला, उमा ओली, कमल गुरागाईं, शिरो सान्दाइ, खगिन्द्रा खुसी तथा पुण्यप्रसाद खरेललाई मन्चमा बसाएर अघिबढ्यो ।
मायामितुले स्वागत र दिलिप घिमिरेले सन्चालन गर्नुभएको कार्यक्रममा होम सुवेदी तथा तारा विविधले लोकार्पित कृतिमाथि समीक्षात्मक टिप्पणी गर्नुभएको थियोे ।
५० जनाजति स्रोता-दर्शक उपस्थित कार्यक्रममा उमा ओली तथा प्रमुख अतिथिले मन्तव्य व्यक्त गर्नुभएको थियो भने टीका भट्टराई नेपाल, मायामितु, खगिन्द्रा खुसी, झाँक्रीखाले, तुलसीप्रसाद भट्टराईले गीत तथा कविता प्रस्तुत गर्नु भएकाे थियो ।
हास्यव्यङ्ग्य लेखनमा धेरै पहिलेदेखि सक्रिय स्रष्टा डम्बरबहादुर बस्नेतलाई कृति प्रकाशन र सार्वजनिकीकरणका लागि फित्काैली डटकमकाे हार्दिक बधाई ।
०००