काठमाडौं । बझाङमा जिप दुर्घटना हुँदा एक जनाको ज्यान गएको छ ।
जिल्लाको भाँडे बजारबाट बुड्खोरी जाँदै गरेको सुदूरपश्चिम प्रदेश ०१००१ ज १२६६ नम्बरको जिप शुक्रबार बिहान छबिसपाथिभेरा–७ खोरीमा दुर्घटना भएको थियो । दुर्घटनामा परी सोही वडाको बुड्खोरीका इनार महतको ज्यान गएको जिल्ला प्रहरी कार्यालय बझाङले जनाएको छ ।
टाउको र कम्मरमा चोट लागेर गम्भीर घाइते भएका महतको उपचारको क्रममा जिल्ला अस्पतालमा ज्यान गएको प्रहरीले जनाएको छ । जिपमा सवार आठ जना मध्ये ६ जना घाइते भएका छन् ।
घाइते मध्ये एक जनाको अवस्था गम्भीर छ । गम्भीर घाइतेलाई धनगढी पठाइएको छ ।