इनरुवा, मङ्सिर १३ ।
सुनसरीको निर्वाचन क्षेत्र नम्बर ३ (क) मा प्रदेश सभा सदस्यका उम्मेदबार नेकपा एमालेका रोहित कार्की विजयी हुनुभएको छ । उहाँले १८ हजार ६४१ मतसहित विजयी हुनुभएको हो ।
उहाँका निकटतम प्रतिस्पर्धी माओवादी केन्द्रका सरस्वती पोखरेलले ९ हजार ४९८ मत ल्याउनुभयो । कार्कीले प्रदेश १ की उपसभामुख समेत रहनुभएकी पोखरेललाई फराकिलो मत अन्तरले पराजित गर्दै विजयी हुनुभयो ।
निर्वाचित कार्की नेकपा एमाले प्रदेश कमिटी सदस्य हुनुहुन्छ । सुनसरी निर्वाचन क्षेत्र नं ३ को प्रदेश (क) मा ४३ हजार ३ सय १९ मत खसेको थियो ।