साङ्गीतिक सट फिल्म ‘कोठा’ सार्वजनिक

काठमाडौँ । साङ्गीतिक सट फिल्म ‘कोठा’ सार्वजनिक गरिएको छ । आर्ट घरको निर्माणमा तयार भएको फिल्मलाई भीष्म जोशीले तयार गरेका हुन् ।
जोशीको कथा तथा कन्सेप्टमा तयार साङ्गीतिक फिल्ममा काठमाडौँमा डेरा गरेर भविष्य खोजिरहेको युवा र युवाको मनोविज्ञानलाई प्रस्तुत गरिएको छ । सपना पोका बोकेर काठमाडौँ छिरेको ग्रामीण ठिटो र उसका भोगाई फिल्ममा देख्न सकिन्छ ।
गायक संगीतकार प्रशान्त सिवाकोटीको स्वर, सङ्गीत रहेका ‘कोठा’मा आधुनिक र लोक दुवै लय सुन्न सकिन्छ । सिवाकोटीले गीतमा देउडा भाकालाई पनि स्थान दिएका छन् ।
फिल्ममा सबि थापा, सरोज खड्का, कल्पना साही र शीतल पाण्डे, सन्तोष बिस्ट, सृष्टि एैर, सागर भुसाल र अनिल दाहालको पनि अभिनय छ । सरोज श्रेष्ठको छायाङ्कन, रिदेन श्रेष्ठ र धिरज अधिकारीको सम्पादन फिल्ममा छ ।