काठमाडौं, २९ साउन
ताप्लेजुङ, पाथिभरा याङबरक गाउँपालिका-३ तिरिङ्गे ओदिले बस्ने ५० वर्षीय महेश लिम्बु सोही ठाउँस्थित ओदिले फाँवा खोलाको भिरमा आइतबार मृत अवस्थामा फेला परेका छन् । घरबाट घाँस काट्न हिडेकोमा उनी फर्की नआएपछि खोजी गर्ने क्रममा उक्त भीरमा उनको शव फेला परेको हो ।
कैलाली, भजनी नगरपालिका-४ झलझलिया बस्ने ३८ वर्षीय जुद्ध बहादुर साउँद सोही नगरपालिका-४ राजीपुरस्थित सडक छेउमा आइतबार मृत अवस्थामा फेला परेका छन् ।
सिरहा, बरियारपट्टी गाउँपालिका-५ जिझोल टोल बस्ने ३० वर्षीय राम कुमार यादव आफ्नै घरको अगाडि नालामा आइतबार मृत अवस्थामा फेला परेका छन् ।
सर्लाही, हरिवन नगरपालिका-६ बाग्मती नहरको साईफनमा हाल नाम, थर, वतन नखुलेका करिब ४५ वर्षीय पुरुष आइतबार मृत अवस्थामा फेला परेका छन् ।