फ्राईडे रिलिज : ‘मनसँग मन’ भर्सेज ‘आँधी तुफान २’

काठमाडौंँ । फ्राईडे रिलिज अन्तर्गत आज शुक्रबारबाट दुई नयाँ फिल्म प्रदर्शनमा आएका छन् । फिल्म हुन्– ‘मनसँग मन’ र ‘आँधी तुफान २’ । दुबै फिल्म देशभर एकअर्काेसँग प्रतिस्पर्धा गर्दै प्रदर्शनमा आएका हुन् । खासै प्रचारप्रसार नभएको दुबै फिल्मले राम्रो ब्यवसाय गर्न आस भने निर्माण युनिटको छ ।

मनसँग मन
कैलाश राई निर्देशित तथा अरुण तामाङ निर्मित ‘मनसँग मन’ मा पुष्प खड्का, वर्षा शिवाकोटी, बुद्धि तामाङ, रविन्द्र झा लगायत कलाकारको मुख्य अभिनय रहेको फिल्म हो । फिल्मको एक गीतमा अभिनेता पल शाह र अभिनेत्री पूजा शर्माको समेत अभिनय रहेको छ । अभिनेता पुष्पको यसअगाडि  ‘कृष्ण लीला’ र ‘तिम्रो मेरो साथ’ प्रदर्शनमा आएको थियो । ‘कृष्ण लीला’ र ‘तिम्रो मेरो साथ’ बाट ब्यवसायिक असफलता भोगेका उनलाई यो फिल्म सफल हुनुपर्ने दबाव छ । फिल्म प्रेमकथामा बनेको हो ।