साताको राशिफल:-असार ९ गतेदेखि १५ गतेसम्म

साताका पर्व एवं दिवस:-१० गते रवि सप्तमीव्रत/११ गते अष्टमीव्रत, गोरखकालीपुजा/१४ गते हरिशयनी एकादशीव्रत,तुलसीरोप्ने दिन, चतुर्मास व्रत आरम्भ/धान दिवस, दहिच्युरा खानेदिन

मेष (चु,चे,चो,ला,लि,लु,ले,लो,अ)यो साता अगाडि सारेका र विश्वास गरिएको व्यक्तीद्वारा सम्पादित कार्यहरु बिफल नै हुनेछन,कठिनाइजनक यात्राको योग रहेको छ,आटेका कार्यमा कडा परिश्रम गर्नुपर्नेछ। मित्रहरू बाट एक्लिनुपर्ने छ ,मित्रजनसँगको अधिक निकटताको कारण भाग्योदयमा बाधा उत्पन्न हुनेछ,तपाईको मेहेनतको फल अनायासै अरुलाई मिल्ने छ,गरिरहेको काममा सामान्य झन्जट सहनु पर्ला।

वृष (इ,उ,ए,ओ,वा,वि,वु,वे,वो)यो साता निरन्तर भइरहेका कार्यबाट विशेष लाभ लिन सकिनेछ,अर्काको खुशीको लागी अनावश्यक परिश्रम खर्चीनुपर्नेछ,सोचेको भन्दा बढिमात्रामा खर्च हुनाले मानसिक चिन्ताले सताउन सक्छ,सामान्य चोटपटकको सामना गर्नुपर्ने हुन्छ ,कार्य सम्पादनमा अरुको दबाबको अनुभब हुन सक्नेछ।

मिथुन (का,कि,कु,घ,ङ,छ,के,को,ह)यो साता अरुको बिश्वास गर्नाले दाम्पत्य जिवनमा खटपट उत्पन्न हुनेछ,अधीक आत्मविश्वासको कारण बन्न लागेका कार्यहरु बिफल हुनेछन,मान्यजनको स्वास्थ्यमा नकारात्मक असर देखा पर्नेछ,कार्य सम्पादनमा लगाईएको लगनसीलताको राम्रो कदर हुनाले मन प्रशन्न रहनेछ,अध्यन अध्यापनमा समय उत्तम रहेकोछ।

कर्कट (हि,हु,हे,हो,डा,डि,डु,डे,डो)यो साता टाढाको मित्रसँग अप्रत्यासित मिलन हुनेछ,सामुहिक कार्यमा खर्च हुनाले मनमा प्रशन्नता छाउनेछ,हतारमा गरिएको निर्णयको कारण दाम्पत्य जिवनमा खटपट उत्पन्न हुनेछ,बोल्दा बिचार पुर्याउनु होला,प्रतिस्पर्धीहरु कमजोर रहनाले तपाइलाइ कार्यक्षेत्र सहज बन्नेछ,स्वास्थ सम्बन्धि सामान्य असर भोग्नु पर्ला।

सिंह (म,मि,मु,मे,मो,ट,टि,टु,टे)यो साता खोज तथा अनुसन्धानमुलक क्षेत्रमा बौद्धिक क्षेत्रमा समय खर्च हुनेछ,बाकपटुताको कारण कुरा काट्नेहरु चुप भइ प्रशंसा गर्न थाल्नेछन,पठन पाठन सफल रहनाले बौदिकताको सर्वत्र कदर हुनेछ,प्रतिस्पर्धीहरु कमजोर रहनेछन,आम्दानि क्षेत्र भने मध्यम रहेको छ,जटिल कार्यहरु सम्पादन गर्न उत्तम समय रहेकोछ।

कन्या (टो,प,पी,पु,ष,ण,ठ,पे,पो)यो साता मनमा चन्चलता बढ्नाले निर्णय लिने क्षमतामा ह्राँस आउनेछन,सफल कार्यसम्पादनको लागी कडा परिश्रम गर्नु परे तापनि कार्य सफलताले मनमा प्रशन्नता छाउनेछ,सामाजिक कार्यका क्षेत्रमा धेरै समय र परीश्रम खर्चिनु पर्नेछ,भौतिक श्रोतसाधनको प्रयोगमा समय ब्यतित रहला।

तुला (रा,री,रु,रे,रो,त,ति,तु,ते)यो साता धार्मिक कार्यमा सहभागी हुने अवसर मिल्नेछ,अप्रत्याशीत खवरले मनमा प्रशन्नता छाउनेछ,दुर्घटनापुर्ण यात्राको सम्भावना रहेकोछ,साथीसँग सामिप्यता बढे पनि लाभ भने ग्रहण गर्न सकिनेछैन,नयाँकार्यको थालनिका निम्ती उत्तम समय रहेकोछ,कार्यकुशलताले मान्यजनहरुको मन जित्न सफल रहिनेछ।

वृश्चिक (तो,ना,नि,नु,ने,नो,य,यी,यु)यो साता मान्यजनको स्वास्थ्यमा नकारात्मक असरले मनमा खिन्नता छाउनेछ,कार्यमा बिश्लेषणको अभावले पारिवारिक सम्बन्धमा बैमनश्यता उत्पन्न हुनेछ,अपरीचीत ब्यक्तिहरुको बिश्वास गर्नाले षड्यन्त्रमा फसीएला सजग रहनु पर्ने समय रहेको छ,भोजभतेरमा सरीक हुने अबसर प्राप्त हुनेछ।

धनु (ये,यो,भ,भि,भु,ध,फ,ढ,भे)यो साता प्रतिस्पर्धीहरु कमजोर रहनेछन,साजेदारी कार्यमा हात नहालेकै बेश हुनेछ,दाम्पत्य सम्बन्धमा सामान्य खटपट आई पर्ला,तपाईको कार्यले अन्य ब्यक्ति हरुलाई मनग्य लाभ दिलाउने छ,मनमा सामान्य चिन्ताले बास गर्नेछ,स्वास्थमा देखा परेको गढबढीले कार्य सम्पादनमा सामान्य झन्झट उत्पन्न गराउला।

मकर (भो,ज,जी,जु,जे,जो,ख,खि,खु,खे,खो,ग,गी)यो साता सामान्य क्षती ब्यर्होनु पर्ला,तात्कालिक खर्चका कारण सामान्य आर्थीक अभाबको सामना गर्नु पर्ला,नयाँ कार्य थालनिका निम्ति आट र साहशमा कमि आउनेछ,सन्तान सङ्ग सम्बन्ध टाढिनाले मनमा चिन्ताले सताउने छ,मेहेनत अनुरुपको फल प्राप्ति नहुनाले दिन निरासा पुर्ण ब्यतित हुने छ।

कुम्भ (गु,गे,गो,स,सी,सु,से,सो,द)यो साता पारीवारिक मेलमीलाप बढेता पनि दाम्पत्य सुखमा बाधा आउन सक्ने सम्भाबना रहेको छ,स्वास्थ सम्बन्धि समस्याको कारण मनमा सामान्य चिन्ताले सताउन सक्छ,कार्य कुसलताले मान्यजनको मन जित्न सफल रहने योग रहेको छ,पुरानो लगानि उठाउने राम्रो समय रहेको छ।

मीन(दी,दु,थ,झ,ञ,दे,दो,च,ची)यो साता प्रेम सम्बन्धमा सुधार आउनेछ,सामान्य आम्दानि हुने योग रहेको छ,कार्य सम्पादनमा बिभिन्न समस्याका कारण ढिलाई रहन सक्छ,सबारी साधनको प्रयोगमा ध्यान दिनु पर्ने समय रहेको छ,कार्य सम्पादनमा भएका सामाय त्रुटिले अपजसको सामना गनु पर्ने सम्भाबना रहेको छ।

ज्यो.मिलन कृष्ण पोखरेल

भरतपुर १० चितवन ९८४५८८८१६५