जरा फाउण्डेसन नेपालले मनायो २५६५ बुद्ध जयन्ति । २५६५ औँ बुद्ध जयन्तीको अवसर पारेर जरा फाउन्डेसन नेपालले बुढानिलकण्ठस्थित छहारी रिसोर्टमा अन्तराष्ट्रिय शान्ति कविता वाचन कार्यक्रम सम्पन्न गरेको छ।
नेपाल प्रज्ञा प्रतिष्ठानका सदस्य सचिव प्रा. जगत प्रसाद उपाध्याय प्रमुख अतिथि र काव्य विभाग प्रमुख प्रा. डा. हेमनाथ पौडेल विशेष अतिथि रहेको सो कार्यक्रममा
विप्लव ढकाल, राजेन्द्र शलभ, विधान आचार्य, मातृका पोखरेल, शकुन्तला जोशी, ज्योति जङ्गल, उमेश अकिन्चन राई, भीष्म उप्रेती, रेनुका शोलू, रन्जना निरौला, ठाकुर बेलवासे, देवेन्द्र के सी, शान्तिमाया गिरी, सन्तोष पोखरेल लगायत नेपालका कविहरूको उपस्थिति रहेको थियो ।
त्यस्तै विदेशी कविहरू बिरल्याण्ड राज्यका राजा डा. ईमिर हवाई र प्रधानमन्त्री तथा जरा फाउण्डेशनकी अन्तर्राष्ट्रिय उपाध्यक्ष प्रो. डा. ईडेन एस ट्रिनिड्याडले समेत शुभकामना तथा कविता वाचन गरेका थिए ।
सो कार्यक्रम जरा फाउण्डेशन नेपालका अध्यक्ष कृष्ण प्रसाईको सभापतित्वमा संचालन भएको र कार्यक्रमको संचालन जरा फाउन्डेसनका सल्लाहकार तथा कवि गीतकार देवेन्द्र के.सीले गरेका थिए । सो कार्यक्रमका प्रमुख अतिथि नेपाल प्रज्ञा प्रतिष्ठानका सदस्य सचिव र काव्य विभाग प्रमुख प्रा.डा. हेमनाथ पौडेलले जरा फाउन्डेसन नेपाल लगायत सम्पुर्ण श्रष्टाहरुमा बधाई ज्ञापन तथा शुभकामना
व्यक्त गरेका थिए ।