साहित्यिक पत्रकार संघ (Literary Journalist Association) आज २०७९ भदौ २८ थाहा पुस्तकालय, मीनभवन, काठमाडौँमा कवि डन कार्की (अमेरिका)को कविताकृति “परदेशी मन”को परिचर्चा कार्यक्रमको आयोजना गर्यो । साहित्यिक पत्रकार संघका अध्यक्ष राधेश्याम लेकालीको अध्यक्षतामा आयोजना गरिएको सो परिचर्चा कार्यक्रममा प्रमुख अतिथिको आसनग्रहणको आसनबाट अन्तर्राष्ट्रिय नेपाली साहित्य समाजका अध्यक्ष मोहन सिटौलाले नेपाली कवितामा डासपोराको योगदानको चर्चा गर्दै कवि डन कार्कीको काव्य यात्राको चर्चा गर्नु भयो । यसैगरी कार्यक्रममा साहित्यिक पत्रकार संघका अध्यक्ष राधेश्याम लेकालीले संघको स्वर्ण महोत्सवबारे प्रकाश पार्दै “परदेशी मन” र कवि डन कार्कीबारे मन्तव्य राख्नु भयो । यस्तै डा. शान्ति गिरीले “परदेशी मन” कविताकृतिको समीक्षात्मक मन्तव्य राख्नु भयो । वरिष्ठ समालोचक एवं सस्कृतिविद डा. रामदयाल राकेश, वरिष्ठ निबन्धकार युवराज नयाँघरे, गुन्जनकी निवर्तमान अध्यक्ष हिरणकुमारी पाठक, साहित्यिक पत्रकार संघका पूर्व अध्यक्ष नरेन्द्रबहादुर श्रेष्ठ, कार्यसमिति सदस्य डा. दामोदर पुडासैनीले पनि आआफ्नो मन्तव्य राख्नु भयो । परिचर्चा गरिएको कृति “परदेशी मन”बाट कविहरु कल्पना खरेल र रेखा यादवले एकएक कविता वाचन गर्नु भयो । कार्यक्रमको संचालन कवि श्रीबाबु कार्कीले गर्नु भएको थियो । कार्यक्रममा अमेरिकाबाट आउनु भएकी साहित्यकार विना पौडेललाई अध्यक्ष लेकालीले स्वागत सम्मान पनि गर्नु भयो । कार्यक्रममा विभिन्न साहित्यकारहरुको पनि उपस्थिति रहेको थियो
Trending Now
- ईश्वर चाम्लिङको ‘गीतको कथा’ लोकार्पण
- आँचल साहित्य कला पुञ्ज मकवानपुरले १० स्रष्टाहरूलाई सम्मान गर्दै
- नरेश राईको पुस्तक ‘पानी पतिया’ सार्वजनिक
- Prime Minister Mr. Pushpa Kamal Dahal ‘Prachanda’ held bilateral talks with His Highness Sheikh Tamim Bin Hamad , Amir of the State of Qatar this morning
- महिला पुस्तक प्रदर्शनी सुरु: वैशाख ११ देखि १५ गतेसम्म
- ‘यौटा सपनाको अवसान’ लिरिकल भिडियो सार्वजनिक
- नेपालसँग अझ राम्रो सम्बन्ध स्थापित गरेर सहयोगका थप क्षेत्रहरु पहिचानका लागि यो भ्रमण उपलब्धीमूलक हुने विश्वास गर्छु : कतारका अमिर शेख
- प्रधानमन्त्री प्रचण्ड र कतारका अमिरबीच भेटवार्ता
- भारतमा निर्वाचनका कारण पूर्वी नाका ७२ घण्टाका लागि बन्द
- प्रधानमन्त्रीसँगको भेटपछि स्वदेश फर्किँदै कतारका अमिर
Comments are closed.