काठमाडौं, लघुकथा समाज नेपाल तथा व=वि=वि= मंडल कला वाणिज्य महाविद्यालय, महाराष्ट्र तथा रुसी भारतीय मैत्री संघ दिशा मास्कोको संयुक्त आयोजनामा साहित्यिक संगोष्ठी सम्पन्न भएको छ ।
भारतका विभिन्न प्रान्तहरूबाट आएका साहित्यकारहरूको समूहले समग्र साहित्य तथा नेपाल–भारतबीचको साहित्यिक सांस्कृतिक सम्बन्धमाथि कार्यपत्रहरू प्रस्तुत गरेका थिए ।
कार्यक्रमको उद्घाटनसत्रमा नेपाल प्रज्ञा–प्रतिष्ठानका कुलपति गंगाप्रसाद उप्रेतीले नेपाल–भारतबीच साहित्यिक सांस्कृतिक सम्बन्धका बारेमा चर्चा गरे ।
भारतीय साहित्यिक समूहका संयोजक डा. मोनिका शर्माले संगोष्ठीको उद्देश्यबारे प्रकाश पारेकी थिइन् ।
कार्यक्रममा श्रीओम श्रेष्ठ रोदन, डा= शैलेन्दुप्रकाश नेपाल, गोपाल अश्क, डा= श्वेता दिप्ती, डा= सुनिता नारायणलगायत साहित्यकारले बोलेका थिए ।
दोस्रो सत्रमा हिन्दी भाषाका तीन पुस्तकहरूको विमोचन गरिएको थियो भने नेपाल–भारतबीचको साहित्य र साहित्यिक सम्बन्धलाई लिएर कार्यपत्रहरू प्रस्तुत गरिएको थियो ।
सो अवसरमा डा=राजेन्द्र काशीनाथ, डा= सविता काशीनाथ तायडे, डा= श्रीप्रकाश यादव, डा= कल्पना मौर्य, डा= विदुषी आमेट, डा= प्रविणा, डा= अलका यतिन्द्र यादवले बोलेका थिए ।
सो अवसरमा नेपाल–भारतका विभिन्न साहित्यकारहरूलाई सम्मानित गरिएको थियो ।