काठमाडाैं । प्रधानमन्त्री पुष्पकमल दाहाल प्रचण्ड, नेकपा एमालेका अध्यक्ष केपी शर्मा ओली र नेपाली कांग्रेसका सभापति शेरबहादुर देउवाबीच भेटवार्ता भएको छ ।
उहाँहरुबीच मंगलबार साँझ प्रधानमन्त्री निवास बालुवाटारमा भेटवार्ता भएको हो । प्रधानमन्त्री प्रचण्ड, एमाले अध्यक्ष ओली र कांग्रेस सभापति देउवाबीच शान्ति सम्झौताका बाँकी काम छिटो टुंगोमा पुर्याउनेबारे छलफल भइरहेको अध्यक्ष ओलीकाे सचिवालयले जनाएको छ ।
सरकार र तत्कालीन विद्रोही नेकपा माओवादीबीच भएको विस्तृत शान्ति सम्झौतामा हस्ताक्षर भएको आज १७ वर्ष पूरा भएको छ । विसं २०६३ मंसिर ५ गते ७ राजनीतिक दल र तत्कालीन विद्रोही नेकपा माओवादीबीच विस्तृत शान्ति सम्झौतामा हस्ताक्षर भएको थियाे ।