विगत लामो समयदेखि मुटु र मृगौला रोगले पीडित गोदारेको उपचारको क्रममा माघ ७ गते आइतबार राति ९ बजे चाबहिलस्थित मेडिकेयर अस्पतालमा निधन भएको छ ।
साहित्यकार गोदारेको मातृ कविता सङ्ग्रह, गजडी भङ्गी खण्ड काव्य,शवयात्रा जारी छ कविता यात्रा, सिद्धिचरण एक र अनेक खण्डकाव्य, अनाहकका उद्गारहरु, स्वराष्ट्रका वीरेन्द्र महाकाव्य, कूलचन्द्र र स्मृति खण्ड काव्य र फूल खण्ड काव्य प्रकाशित छन् ।
झण्डै आधा दर्जन कृतिहरू अप्रकाशित रहेको उहाँका सुपुत्र असीमकाली बास्कोटाले बताउनुभएको छ । बीडी त्यागी स्मृति सम्मानबाट समेत सम्मानित ७५ वर्षीय गोदारेका श्रीमती, एक छोरा र एक छोरी छन् ।