रोल्पामा ‘रोल्पा सिर्जना महोत्सव’ जेठ ५ र ६ गते हुँदै

रोल्पामा ‘रोल्पा सिर्जना महोत्सव’ जेठ ५ र ६ गते हुँदैछ। नगर साहित्य, कला तथा संगीत प्रतिष्ठान, रोल्पा नगरपालिकाले सिर्जना महोत्सव गर्ने भएको हो । जेठ ५ र ६ रोल्पा जिल्लाको लिबाङमा हुन गइरहेको यो महोत्सव चौथो संस्करण हो ।
यस महोत्सवमा राष्ट्रिय कविता प्रतियोगिता हुने छ । महोत्सवका लागि कविता आह्वान गरेर गत वैशाख १० देखि ३० गतेसम्म पठाईसक्नु पर्ने समय तोकिएको थियो ।
२० दिनको अवधिमा १ सय ६५ कविता प्राप्त भएको र तीमध्ये सर्वोत्कृष्ट घोषित गर्न निर्णायकहरूकहाँ पठाइएको समेत महोत्सवका अध्यक्ष नवीन लोचनमगरले बताउनुभएको छ