काठमाडौँ । गत शुक्रबारदेखि प्रदर्शनमा आएको र राम्रो व्यवसाय गरिरहेको फिल्म हो ‘महाजात्रा’ । फिल्म रिलिज भएको केही दिनपछि निर्माण संस्था षट्कोण आर्ट्सले फिल्मको गीत ‘मुरी मुरी साथी’ युट्युबमा सार्वजनिक गरेको छ ।
सार्वजनिक गीतमा फडिन्द्र (विपिन कार्की), जोयश (रवीन्द्रसिंह बानियाँ) र मुन्ना (रवीन्द्र झा) बिचको मित्रतालाई देखाइएको छ । फिल्ममा उनीहरूबिच शृंखलावद्ध रूपमा आउने उतारचढावसँगै झाँगिएको मित्रतालाई प्रस्तुत गरिएको निर्देशक तथा लेखक प्रदीप भट्टराईले बताए ।
गीतमा तीन पात्रले जीविकोपार्जनका लागि गर्ने सङ्घर्ष, विभिन्न अवरोधमा टिकेको मित्रता र उनीहरूको गरिबीले डगमगाउन नसकेको नैतिकतालाई प्रस्तुत छ । हर्क साउदको शब्द, कालीप्रसाद बाँस्कोटाको स्वर तथा सङ्गीत गीतमा छ ।
https://youtu.be/ljrggcbBvMU