गायक राजेशपायल राईले झापा-१ मा सत्ता गठबन्धनबाट नेपाली कांग्रेसका उम्मेदवार विश्वप्रकाश शर्मालाई भोट मागेका छन् ।
बिहीबार झापामा आयोजित आमसभामा राजेशपायलले आफ्ना हिट गीतमा सांगीतिक प्रस्तुति समेत दिए ।
आमसभामा उनले आँखा चिम्लेर शर्मालाई भोट दिन मतदातालाई आग्रह समेत गरे । आफ्नो चर्चित थेगो ‘यो यो’ भन्दै उनले चुनावी सभालाई सांगीतिक माहोल बनाएका थिए । खोटाङमा भएको कन्सर्टपछि राजेशपायल बिहीबार झापा पुगेका हुन् ।
केही दिनअघि राजेशपायलले जनता समाजवादी पार्टीलाई पनि भोट दिन आग्रह गरेका थिए । ‘राई इज किङ’को रुपमा चर्चित राजेशपायल सांगीतिक रियालिटी शो ‘द भ्वाइस अफ नेपाल’का कोच समेत हुन् ।