विश्व प्रसिद्ध लेखक सलमान रुश्दीलाई हमला गरिएको घटनापछि ह्यारी पोटरकी सर्जकको रुपमा प्रसिद्ध जेके रोलिङ्ग (JK Rowling) लाई पनि मार्ने धम्की आएको छ । उनलाई यस्तो धम्की रुश्दीको समर्थनमा एक ट्वीट गरेपछि दिएका हुन् । ५७ वर्षीया सर्जक रोलिङ्गले सलमान रुश्दीमाथि भएको हमलापछि ट्विटरमा केवल यत्ति लेखेकी थिइन् ➽ “Horrible news. Feeling very sick right now. Let him get well.” (यस किसिमको घटनाबाट आहत छु । उपन्यासकार छिट्टै निको होउन् भन्ने आशा गर्दछु ।)
रोलिङ्गको यस ट्वीटको जवाफमा एक यूजरले मुटु कंपाउने खालको प्रतिक्रिया दियो”Don’t worry you are next.” (चिन्ता नगर्नू । अब तिम्रो पालो हो)
जुन ट्विटर ह्यान्डलबाट जेके रोलिङ्गलाई धम्की दिइएको छ, उसले सलमान रुश्दीलाई हमला गर्ने हादी मदारको प्रशंसा गरेको छ। उसले आफू शिया योद्धा र क्रान्तिकारी भएको कुरा पनि लेखेको छ ।