काठमाडौंमा तीन सय चलचित्र निर्माता भेला हुँदै

काठमाडौं । चलचित्र निर्माता संघले पुसको तेस्रो साता काठमाडौंमा भेला आयोजना गर्ने भएको छ । नेपाली चलचित्र क्षेत्रको विकास र विस्तारका लागि रणनीति तय गर्न भेला आयोजना गर्न लागिएको निर्माता संघले जनाएको छ ।

पुुसको तेस्रो साता काठमाडौंमा हुने ‘चलचिको विकास र विस्तारको खोजी’ नामक भेलाले चलचित्र क्षेत्रको विकास र विस्तारका लागि रणनीति तय गर्ने र सोही अनुसारको कार्ययोजना बनाएर अगाडि बढ्ने चलचित्र निर्माता संघका अध्यक्ष नवल खड्काको भनाइ छ ।