काठमाडाैं । नेकपा एमालेकाे केन्द्रीय कमिटी बैठक आज बस्दैछ ।
पार्टी केन्द्रीय कार्यालय च्यासलमा बिहान ११ बजे बस्ने बैठकमा मध्यपहाडी लोकमार्ग केन्द्रित विशेष अभियान (झुलाघाटदेखि चिवाभञ्ज्याङसम्म समृद्धिका लागि संकल्प यात्रा) काे आवश्यक याेजना तयारी, नेताहरु परिचालन लगायत विषयमा छलफल हुनेछ ।
सामाजिक सद्भाव र राष्ट्रिय एकताको प्रवर्द्धनका लागि एमालेले मंसिर १४ गतेदेखि साे अभियान थाल्दैछ । अभियानकाे नेतृत्व पार्टी अध्यक्ष केपी शर्मा ओलीले गर्नुहुनेछ ।
केन्द्रीय कमिटी बैठकमा पार्टीकाे आन्तरिक जीवन, देशकाे पछिल्लाे अवस्था लगायत समसामयिक विषयमा पनि छलफल हुने एमालेले जनाएकाे छ । कात्तिक २२ गते बसेकाे एमाले सचिवालय बैठकले केन्द्रीय कमिटी बैठककाे मिति तय गरेकाे थियाे ।