काठमाडौंः काठमाडौंमा आयोजित एक कार्यक्रममा सुभाषचन्द्र पौडेल भीमफेदीयाको कविता सङ्ग्रह ‘तिल गङ्गा गोविन्द’ लोकार्पण गरिएको छ ।
कार्यक्रमका प्रमुख अतिथि वरिष्ठ साहित्यिक पत्रकार रोचक घिमिरेले उक्त पुस्तक लोकार्पण गरेका हुन् । कवितासङ्ग्रह सरल भाषामा लेखिएको कुरा उनले व्यक्त गरेका थिए ।
विमोचनपछि पुस्तकभित्रका तीन कविताहरू तिल, गङ्गा,गोविन्द, पारु तिमिल्सिना, विमल भौकाजी र मुरारी सिग्देलले वाचन गरी सुनाएका थिए ।
कृतिकार सुभाषचन्द्र पौडेलको सभापतित्वमा भएकाे कार्यक्रममा उपस्थित सबैलाइ साहित्यिक पत्रकार संघका अध्यक्ष राधेश्याम लेकालीले स्वागत गरेका थिए ।
पत्रकार श्रीराम सिंह बस्नेतले विमोचित पुस्तकबारे चर्चा गर्दै कवि भीमफेदीयासँगको आफ्नो मित्रताका संस्मरण सुनाएका थिए ।
यस्तै, साहित्यकार किशोर पहाडीले ‘तिल गङ्गा गोविन्द’ पुस्तकबारे बोल्दै उक्त पुस्तक एउटा पठनीय सामग्री हुने कुराको आशा गर्न सकिन्छ भन्ने कुरा व्यक्त गरेका थिए। कार्यक्रम पारु तिमिल्सिनाले संचालन गरेकी थिइन्।