एमाले अध्यक्ष केपी शर्मा ओलीद्वारा पाख्रीबास कृषि अनुसन्धान केन्द्रमा कृषि विज्ञ र विद्यार्थीसँग छलफल

धनकुटा । नेकपा एमालेका अध्यक्ष केपी शर्मा ओलीले धनकुटा पाख्रीबासको कृषि अनुसन्धान केन्द्रमा कृषि विज्ञ र विद्यार्थीहरूसँग छलफल गर्नुभएको छ ।

झुलाघाट– चिवाभञ्ज्याङ समृद्धिका लागि संकल्प यात्राको क्रममा बिहीबार पाख्रिबास पुग्नुभएका ओलीले उहाँहरूसँग कृषिका विभिन्न आयामको बारेका छलफल गर्नुभएको हो । पहाडी इलाकामा सञ्चालन भएका कृषि फार्म, बालीको वैज्ञानिक अनुसन्धान र व्यवसायीकरणका विषयमा कृषि, वन तथा विज्ञान विश्वविद्यालय प्राकृतिक स्रोत व्यवस्थापन क्याम्पसका प्रमुख र विद्यार्थीहरूले केही जानकारी दिनु भएको अध्यक्ष ओलीले बताउनुभयो ।

अनुसन्धान केन्द्रका विज्ञ र विद्यार्थीसँग धेरै कुराको अनुभव भएको ओलीले बताउनुभयो । ‘पशुपालनमा नयाँ नश्लको विकास र तरकारी तथा फलफूलका उन्नत बिउको उत्पादन गर्न के गर्नु पर्छ भन्ने विषयमा उहाँहरूका अनुभव राम्रा छन्’, उहाँले भन्नुभयो ।