एसीसी वुमन्स प्रिमियर कप : नेपालकाे विजयी सुरुआत

काठमाडाैं । एसीसी वुमन्स प्रिमियर कप क्रिकेटमा नेपालले विजयी सुरुआत गरेकाे छ ।
मलेसियामा आजदेखि सुरु भएको खेलमा हङकङलाई ८ विकेटले हराउँदै विजयी सुरुआत गरेको हो । हङकङले दिएकाे ९४ रनको लक्ष्य नेपालले १४ ओभर १ बलमा २ विकेट गुमाएर पूरा गर्‍याे । नेपालका लागि कप्तान इन्दू बर्माले ४० र सीता राना मगरले नटआउट ३६ रन बनाइन् । बलिङतर्फ हङकङका इकुरा सहर र बेटी चानले १-१ विकेट लिए ।
त्यसअघि टस हारेर पहिला ब्याटिङकाे हङकङले निर्धारित २० ओभरमा ८ विकेट गुमाएर ९३ रन बनाएको थियो । हङकङका लागि कतप्तान केरी चानले २१ रन बनाइन् ।
बलिङतर्फ नेपालका लागि पूजा महतो र रुविना क्षेत्रीले २-२ तथा कविता जोशी र सिता रानामगरले समान १-१ विकेट लिए ।
नेपालले भोलि भुटानसँग र फागुन १ गते माल्दिभ्ससँग खेल्नेछ ।