घरमै मृत भेटिए जितपुर-सिमराका पूर्वमेयर पौडेल

बारा : बाराको जितपुर-सिमरा उपमहानगरपालिकाका पूर्वमेयर कृष्ण पौडेल मृत भेटिएका छन्। उनी सिमरास्थित आफ्नै निवासमा मृत फेला परेको जिल्ला प्रहरी कार्यालय बाराका प्रवक्ता दधिराम न्यौपानेले बताए।

उनी घरमै घोप्टो परेको अवस्थामा मृत भेटिएका जनाइएको छ। पौडेल २०७४ सालमा जितपुर सिमराको प्रमुख बनेका थिए। घटनाको अनुसन्धान जारी रहेको प्रहरीले जनाएको छ।

पौडेल नेकपा एमाले मधेश प्रदेश समितिका सचिव थिए।