‘दर्पण छाया २’ कि नायिकाले गरिन् प्रेमीसँग इन्गेजमेन्ट

फिल्म ‘दर्पण छाया २’ले बक्स अफिसमा खास कमाई गरेन । यो फिल्मबाट नायिकाको रुपमा साहारा कार्कीले डेब्यू गरेकी थिइन् । तर, यो फिल्मले बक्स अफिसमा सफलता नपाएपछि साहाराको करिअर पनि फिल्म क्षेत्रमा अगाडि बढ्न सकेन ।

अब, उनै साहाराले आफ्ना प्रेमीसँग इन्गेजमेन्ट गरेर घरजम सुरु गर्ने तरखर गरेकी छिन् । उनले, यही फिल्मका डेब्यू कलाकार फिरोज तिमिल्सिनासँग इन्गेजमेन्ट गरेकी हुन् । दुबैले, आइतबार अमेरिकामा औठी साटेका हुन् ।
साहारा र फिरोजको बिहे पनि केही दिनमा नै हुनेछ । तुलसी घिमिरेले निर्देशन गरेको फिल्म ‘दर्पण छाया २’ बक्स अफिसमा असफल भएपनि साहाराको कामलाई दर्शकले रुचाएका थिए ।
फिरोजले नेपालमा रहँदा ‘नेपाल आइडल’मा निर्माताको रुपमा काम गरेका थिए । यस्तै, उनले ‘द भ्वाइस अफ नेपाल’को मुख्य सहायक निर्देशकको रुपमा पनि काम गरेका थिए ।