पाल्पामा जिप दुर्घटना: ज्यान गुमाउने ६ जनाको पहिचान हुन बाँकी

काठमाडौ । पाल्पामा जिप दुर्घटना हुँदा ६ जनाको ज्यान गएको छ । दुर्घटनामा एक जना घाइते भएका छन् ।

पाल्पाको रानीमहल जाँदै गरेको वाग्मती प्रदेश ७२०९ नम्बरको स्कारपियो दुर्घटनामा परेको हो । जिप  वैकुण्ठे पहाडबाट बराङ्गदी खोलामा खसेको प्रहरीले जनाएको छ ।

प्रहरीका अनुसार दुर्घटना स्थल खोँच रहेकाले उद्धारमा कठिनाइ भएको छ । जिप वैकुण्ठ पहाडबाट सय मिटर भन्दा तल खसेको छ

घटनास्थलमा अस्थायी प्रहरी चौकी रानीघाट, जिल्लाबाट गएको प्रहरी, सशस्त्र प्रहरी र नेपाली सेनाको टोली उद्धारमा खटेको छ ।

जिपमा सात जना सवार थिए । दुर्घटनामा जिपका चालक घाइते भएको प्रहरीले जनाएको छ । ज्यान गुमाउनेको नाम खुलेको छैन ।