युनिग्लोव कलेजमा १२ औँ व्यापार मेला सम्पन्न, ५ हजारबढीले गरे अवलोकन

काठमाडौँ / काठमाडौँको नयाँ बानेश्वरमा रहेको युनिग्लोब कलेजमा आयोजित १२औँ व्यापार मेला सम्पन्न भएको छ । कलेज परिसरमा जेठ २९ गतेदेखि सुरू भएको उक्त मेला आज शुक्रबार अर्थात पाँचौँ दिनमा सम्पन्न भएको हो । महोत्सवमा २५ भन्दा धेरै स्टलहरूमा खानेकुरासहित बजारमा उत्पादन भएका सामानहरू राखिएको थियो ।

सो कार्यक्रमका लागि कलेजले विद्यार्थीहरूलाई आर्थिक ऋण उपलब्ध गराउँछ र सो ऋणबाट नै विद्यार्थीहरूले आफ्नो व्यापार सुरु गर्दछन् ।
उक्त कार्यक्रमबाट विद्यार्थीहरूले आफ्नो उद्यमी क्षमता विकास गर्नुको साथसाथै उनीहरूलाई व्यापारको वास्तविक महत्त्व सिकाउने मुख्य लक्ष्य लिएको कलेजले जनाएको छ ।