मेलम्ची खानेपानीमा ७ अर्ब अनियमितता, अख्तियारद्वारा ३ पूर्वसचिवसहित १८ प्रतिवादीविरुद्ध मुद्दा

काठमाडौं, मेलम्ची खानेपानीमा ७ अर्ब अनियमितता, अख्तियारद्वारा ३ पूर्वसचिवसहित १८ प्रतिवादीविरुद्ध मुद्दा,अध्यागमनका महानिर्देशक तामाङ पनि तानिए | पूर्वसचिवमा भीम उपाध्याय, सञ्जय शर्मा र गजेन्द्र ठाकुर छन्। मेलम्ची खानेपानी परियोजनामा करिब सात अर्ब भ्रष्टाचार भएको ठहर गर्दै अख्तियार दुरुपयोग अनुसन्धान आयोगले १५ व्यक्ति र ३ कम्पनीविरुद्ध मुद्दा दायर गरेको छ ।मेलम्ची खानेपानी परियोजनामा भ्रष्टाचार भएको भन्दै अख्तियारले ६ अर्ब ७३ करोड रुपैयाँ बराबरको बिगो मागसहित आज विशेष अदालतमा मुद्दा दर्ता गरेको हो । अख्तियारले तीनजना पूर्वसचिवसहित १५ जना व्यक्ति र तीनवटा कम्पनीलाई प्रतिवादी बनाएको छ ।

अध्यागमन विभागका महानिर्देशक तथा मेलम्ची खानेपानी विकास समितिका तत्कालीन बोर्ड सदस्य रुद्रसिंह तामाङविरुद्ध पनि अनियमितताको आरोप लागेको छ ।उनीविरुद्ध ११ करोड ९ लाख १७ हजार ४५८ रुपैयाँ बिगो र जरिवाना तथा कैद सजाय मागदाबी गरिएको छ ।भ्रष्टाचारको मुद्दा लागेका पूर्वसचिवहरू सञ्जय शर्मा, भीम उपाध्याय र गजेन्द्र ठाकुर हुन् । उनीहरुलार्इ क्रमश: जनही ६ करोड ९७ लाख ८३ हजार, ४ करोड ११ लाख ३४ हजार र ६० करोड ४९ लाख १९ हजार रुपैयाँ बिगो र कैद सजाय माग गरिएको छ ।काठमाडौं उपत्यकामा खानेपानी ल्याउन निर्माण गरिएको मेलम्ची परियोजनामा कामै नगरी रकम भुक्तानी गरेको, भएको कामभन्दा बढी भुक्तानी गरिएको, ठेकेदारलाई लाभ हुनेगरी निर्णय गरिएको लगायतको कसुरसहित अख्तियारले मुद्दा दायर गरेको हो ।