मोरङमा भेटिएको शंकास्पद बस्तु नेपाली सेनाद्वारा डिस्पोज

विराटनगर – मोरङको विराटनगर महानगरपालिका–स्थित डाफे चोकमा शंकास्पद वस्तु फेला परेपछि केहीबेर क्षेत्र तनावग्रस्त बनेको छ।
जिल्ला प्रशासन कार्यालय मोरङअगाडि भेटिएको उक्त वस्तुबारे जानकारी पाएलगत्तै सुरक्षा निकाय सतर्क बनेका थिए ।नेपाली सेनाको बम डिस्पोजल टोली घटनास्थलमा पुगेर विशेष सुरक्षा सावधानी अपनाउँदै वस्तुलाई ठूलो आवाजसहित सुरक्षित रूपमा निष्क्रिय (डिस्पोज) गरेको जनाएको छ।
घटनाका कारण डाफे चोक र आसपासका क्षेत्रमा केही समय सवारी आवागमन रोकिएको थियो भने सर्वसाधारणलाई सुरक्षित दूरीमा राखिएको थियो।
सुरक्षा निकायले उक्त वस्तुको प्रकृति र कसले राखेको भन्ने विषयमा थप अनुसन्धान भइरहेको जानकारी दिएका छन्।