गीतकार हरिकृष्ण बखुन्छेको गीति सँगालो ‘रोशी’ सार्वजनिक

भक्तपुर । भक्तपुरमा एक कार्यकर्मको आयोजना गरि गीतकार हरिकृष्ण बखुन्छेको गीति सँगालो ‘रोशी’ एक समारोहका बीच सार्वजनिक गरिएको छ ।
सिर्जना अभियान समाजको आयोजनामा सम्पन्न गरिएको कार्यक्रममा गीतकार राजेन्द्र थापाले उक्त कृति सार्वजनिक गरेका थिए ।
कृति सार्वजनिक गर्दै गीतकार थापाले गीतमा पनि पाठकले परिवर्तनको चाहना राखेकाले त्यसतर्फ गीतकारहरूले सोच्नुपर्ने बताए । गीतकार सुवासचन्द्र ढुंगेलले बखुन्छेका गीतहरू मनछुने रहेको उल्लेख गरे ।
कार्यक्रममा त्रिविक्रम पाण्डे, कृतिकार बखुन्छे, साहित्यकार धु्रव मधिकर्मी, रोहित दाहाललगायतले बोलेका थिए ।