काठमाडौँ –अमेरिकी र इजरायली हमलापछि इरानको सांस्कृतिक सम्पदामा व्यापक क्षति पुगेको र देशका २० वटा प्रान्तका १३१ वटा ऐतिहासिक स्थलहरू प्रभावित भएको एक इरानी मन्त्रीले बताएका छन् ।
इरानका सांस्कृतिक सम्पदा, पर्यटन तथा हस्तकला मन्त्री सैयद रेजा सालेही–अमिरीले तेहरानका धेरै प्रमुख ऐतिहासिक स्थलहरू सबैभन्दा बढी प्रभावित भएको जानकारी दिनुभयो । इरानले आफ्नो सांस्कृतिक सम्पदाको विनाशप्रति विश्वव्यापी ध्यान आकर्षण गर्न संयुक्त राष्ट्र संघ र युनेस्को लगायतका अन्तर्राष्ट्रिय निकायहरूमा अपील गरेको छ ।
मन्त्री सालेही–अमिरीले भने, कुल मिलाएर २० वटा प्रान्तका हाम्रा १३१ वटा स्मारकहरू क्षतिग्रस्त भएका बताउनु भयो । सबैभन्दा गम्भीर क्षति तेहरानमा भएको छ । जहाँ ६३ वटा ऐतिहासिक, सांस्कृतिक र सभ्यतागत स्थलहरू नष्ट भएका छन् । संयुक्त राज्य अमेरिकाले जहाँ–जहाँ पाइला टेकेको छ, त्यहाँ विनाश, अपराध, युद्ध वा शोषण मात्र ल्याएको छ । एजेन्सी
