काठमाडौँ- लिगचरणमा बेहोरेको बदला लिँदै रुकुम पश्चिम भलिबल केन्द्र र नेपाल पुलिस क्लब दशौं प्रधानमन्त्री कप महिला तथा पुरुष एनभिए लिगमा च्याम्पियन भएका छन् ।
त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा शनिबार सम्पन्न फाइनलमा बदला लिँदै रुकुम पश्चिम पुरुषमा र पुलिस महिलामा च्याम्पियन भएका हुन् । महिलामा नेपाल पुलिसले न्यु डायमण्ड क्लबमाथि ३–१ को सेटमा रोमाञ्चक जितसँगै उपाधि उचाल्यो । पुरुषतर्पm फाइनलमा रुकुम पश्चिमले हेल्प नेपाल स्पोटर््स क्लवलाई ३–० को सोझो सेटमा हरायो । पुलिस र रुकुम पश्चिम दुवैले लिग चरणमा बेहोरेको हारको बदला लिएका हुन् । लिगको अन्तिम खेलमा शुक्रबार न्यु डायमण्डले पुलिसमाथि ३–२ को सेटमा जितसँगै अपराजित हुँदै उपाधि भिडन्त गरेको थियो । रुकुम पश्चिम भने लिगमा हेल्प नेपालसँग ३–० को सोझो सेटमा पराजित भएको थियो ।
महिलाको फाइनलमा मिडल ब्लक सुमित्रा रेग्मी र ओपन स्पाइकर जेनिसा विश्वकर्मा पनि चल्न सकेनन् । रिसिभ पनि राम्रो गर्न नसक्दा च्याम्पियन भएर काभा महिला क्लव च्याम्पियनसिप खेल्ने न्यु डायमण्डको लक्ष्य पूरा भएन । च्याम्पियन पुलिसले तेस्रो पल्ट च्याम्पियन हुने लक्ष्यसहित काभा क्लब च्याम्पियनसिपका लागि पनि छनोट भएको छ । पुनम चन्दको स्थानमा अवसर पाएकी लक्ष्मी चन्दले उत्कृष्ट प्रदर्शन गर्दै पुलिसले सफलता पायो । रिसिभमा पनि धेरै सुधार गरेपछि पुलिसलाई न्यु डायमण्डमाथि बदला लियो । पुलिसले पहिलो सेट २५–२१ ले आफ्नो बनायो । तर न्यु डायमण्डले दोस्रो सेट २५–१६ ले जित्दै पुनरागमनको संकेत ग¥यो ।
तेस्रो सेट भने निकै प्रतिस्पर्धात्मक बन्यो । यो सेट अन्तत् पुलिसले २५–२३ ले जित्दै फेरि अग्रता लियो । चौथो सेटमा १८–१८ स्थितिसम्म पुलिसले चुनौती दियो । तर, यहाँबाट न्यु डायमण्ड समालिन सकेन र यो सेट २५–१९ ले गुमाउँदै उपाधिबाट पनि वञ्चित भयो । पुलिस चौथो पल्ट च्याम्पियन भएको हो । पुरुषतर्पmको फाइनल पनि रोमाञ्चक बन्यो । रुकुम पश्चिम र हेल्प नेपाल दुवैले तीन जना विदेशी खेलाडी अनुबन्ध गरेका थिए ।
लिगमा रुकुम पश्चिमले राम्रो गर्न सकेन । तर फाइनलमा भने उत्कृष्ट प्रदर्शन ग¥यो र पहिलोपल्ट च्याम्पियन पनि भयो । रुकुम पश्चिम भलिबल केन्द्रले हेल्प नेपाल स्पोटर््स क्लबलाई पहिलो सेट २९–२७, दोस्रो सेट २५–२१ र तेस्रो सेट ३२–३० को रोमाञ्चक रूपमा हरायो ।
महिलामा विजेता पुलिसले र पुरुषमा विजेताले १० लाख रुपैयाँ र ट्रफी प्राप्त गरे । महिलामा उपविजेता न्यु डायमण्ड र पुरुषमा उपविजेता हेल्प नेपाल स्पोटर््स क्लबले समान पाँच लाख रुपैयाँ पाए ।
एभरेस्ट महिला भलिबल क्लव र पुरुषमा नेपाल पुलिस क्लव तेस्रो भए । दुवैले दुई लाख ५० हजार रुपैयाँ प्राप्त गरे । नेपाल भलिबल संघ (एनभिए) को आयोजना भएको एनभिए लिगमा महिलातर्पm ६ र पुरुषमा आठ टोलीले प्रतिष्पर्धा गरेका थिए । गत पुसमा सम्पन्न एनभिए महिला तथा पुरुष क्लव भलिबल च्याम्पियनसिपबाट छनोट भएका कुल १४ टोलीले यस लिगमा प्रतिस्पर्धा गरेका हुन् । पुरुषमा हेल्प नेपाल, आर्मी क्लब, लुम्बिनीको खिल्जीसँगै नेपाल पुलिस क्लब, एपिएफ, पश्चिम रुकुम भलिबल टिम, कोसी प्रदेश र बुढानीलकण्ठले प्रतिस्पर्धा गरेका थिए । महिलामा भने न्यु डायमण्ड युथ स्पोटर््स क्लव, पुलिस, एपिएफ, सुदूरपश्चिम प्रदेश, एभरेस्ट र आर्मी क्लवको प्रतिष्पर्धा रह्यो ।
